Текст Lo & Leduc – Karussell

Alles drääit uf der Stell
Alles drääit uf der Stell, Karussell
Alles drääit uf der Stell, Karussell
Alles drääit uf der Stell, Karussell

Lo:
Lueg ds Läbe verspricht so viel
Du muesch nid meh aus ufstyge, nätt lächle, ärnscht winke, druff blybe
Nume so blybsch du im Spiel
Drum gsehsch üs alli ufsitze, mit Zügel, mit Bügel, druff ryte
Di Wenigschte dörfen es Rössli wähle, di meischte näme was übrig isch
Me hofft ufne Ufstiig nachem Ufstyge, o we das nid müglech isch
Wüu es drääit nur im Chreis, da chasch no so mängisch ds Rössli wächsle
Aber o ds nächschte bringt di nid ufe , es drääit nume wyter äne
Immer wi schnäller, macht ke Aastalte aazhalte
Kes Wunder gseh mir mitgno uus
Und du schmöcksch dä Nydletäfeliduft i der Luft
Unger Hunderte vo Zuckerwattewulche, aues isch lut
Si drääie di Lieder uuf, so dass es nie meh stiu isch
Das Ruusche um üs ume nümm ändet a dere Chilbi
Aber das aues wird erträglech we du di a de Zügel chasch häbe
De muesch di o nümm frage wohäre, wüu alles drääit
(Alles drääit uf der Stell, Karussell)

Alles drääit uf der, uf der Stell, Ka-Karussell
Alles drääit uf der Stell, Karussell
Alles drääit uf der, uf der Stell, Ka-Karussell
Alles drääit uf der Stell, Karussell
Alles drääit uf der, uf der Stell, Ka-Karussell
Alles drääit uf der Stell, Karussell

Leduc:
Lueg es haltet nümmen aa
Laht üs nie la galoppiere, nei, es haltet üs uf Trab, (Schützematt)
U du drääisch scho langsam düre, wüu der Ytritt isch no tür
Doch im Verglych ischs immer no nüüt, wüu der Prys sy dyni Täg
U drum prys’ ig der Momänt, woni usrysse
Hufyse uf Asphalt
(Vor der Rytschuel böimt sech mis Keramikross uuf)
Der Momänt, woni «Ade» säg u a de Zügel zieh, chumm Tonio, mach di Tor uuf
U de säge si mir: «Ds Läbe isch ke Ponyhof»
Doch wär hett das behouptet?
S git nid ei Ponyhof dert, woni wohn
Drum seit mir das überhoupt nüüt
Und i dänke, dass es zimmlech sträng isch dert
Meh aus dass me behouptet
Meh strigle aus strychle, doch a das dänkt me nid
Hie isch ds Läbe ender es Rösslispiel, säg ghörsch du mi?
(Tonio!)