Текст Quest – Walang Hanggan
Текст:
Gulong gulo ang puso
Saan ba ‘to patungo?
‘Di ko alam
‘Di ko alam
Hinarap lahat ng balakid
Pero bakit walang kapit
ang mga pangakong binitawan?
‘Di ko alam
‘Di ko alam
Nung ika’y nilalamig, ako’y ‘yong init
Kapag takot sa bukas, ako’ng unang sisilip
Ginawa ko na’ng lahat
Hindi pa rin sapat
kasi ika’y mawawala na
Nawalan ng gana ang tadhana
Nanlalamig ‘yung dating nagbabaga
Kung maibabalik lang sana
Titiisin ko na kahit paulit-ulit
Tapos pipilitin ko na ‘di maulit
ang masulyapan mo ‘yung dulo
Akala ko walang hanggan pero may dulo
Bawat segundo sa ‘king puso iuukit
Lahat ng alaala aking iguguhit
para makalimutan mong may dulo
Ang sabi mo walang hanggan
pero eto tayo sa dulo
Kelan ka ba napaso?
Nanlalamig na ang ‘yong braso
Bakit ganyan?
Bakit ganyan?
Kung pwede lang pakisagot lahat ng bakit
Sa’n galing ang galit? Meron bang nang-a-akit?
Kailangan ko lang malinawan
Bakit ganyan?
Bakit ganyan?
Handang panindigan lahat ng ating plano
Sigurado kahit ‘di kabisado
gagawin ko ang lahat
Walang pake kung ‘di sapat
kasi ika’y mawawala na
Nawalan ng gana ang tadhana
Nanlalamig ‘yung dating nagbabaga
Kung maibabalik lang sana
Iindahin ko ang sakit na gumuguhit
Ngingiti sa likod ng luhang pumupunit
Baka masulyapan mo ‘yung dulo
Kasi sabi mo walang hanggan, ba’t merong dulo?
Ibibigay ko ang lahat paulit ulit
Bawat pagkakataon ay aking isusulit
Basta matalikuran mo ‘yung dulo
Ang sabi mo walang hanggan
ba’t nandito tayo sa dulo?
Sa dulo…
‘Wag ka munang tumalikod
Bumalik ka muna dito
Padampi kahit anino
Ayokong mag-isa dito
Wala na bang bisa aking dalangin?
Tinataboy na ba ng langit?
Nakikiusap na lang sa hangin
Ngayon wala ka na sa akin
Bakit ba biglang meron tayong dulo?
Pangako mo walang hanggan, bakit nandiyan ka sa dulo?
Pwede bang kalimutan mong may dulo?
Handa ‘ko sa walang hanggan
Pangako mo walang hanggan
Akala ko walang hanggan
pero eto tayo sa dulo
Kung ika’y mawawala sa aking piling,
dinggin mo ang aking bilin
Lingon ka lang paminsan minsan
Dito lang ako, ‘di ako lilisan
Sa ating dulo, ‘di ako lilisan
