Lyrics Lo & Leduc – Liber
Text:
Lo:
Ihri Huut us Läder
Ihri Ouge schwarzi Münze
Chnöilet ufem Asphalt voreren alte Büchse
Zwüsche Hüser mit länge Schätte u Mönsche mit schnäue Schritte sitzt si dr ganz Tag und wippt
Wippt geng vüre u zrügg
U bi jedem Mau berüehrt si der Büchserand mit ihrer Stirn
U ds Klimpere vo de Münze
Im Innere vo der Büchse
Tönt wi Chiucheglogge wo lüüte
Leduc:
Gloube
Öbber mues immer drah gloube
Drahgloube
Öbber mues immer drahgloube
Wotts gar nid wüsse wie
Tommy Vercetti:
Füfliber uf mini Zunge
Leget mir e Füfliber uf mini Zunge
Füfliber uf mini Zunge
Leget mir e Füfliber uf mini Zunge
Lo:
Sini Huut us Chride
Büroturm wine Chile
List i de Schrifte wo usser ihm niemer cha entziffre (niemer cha entziffre)
Übere Markt, über di über di unsichtbar Hand
Wo’n ihm seit «du verdiensch dir das im Schlaf»
Wieso würd är wöue wach si
We d Wält um ihn wi Wachs isch
Uf das aues immer wachsi
Nume chan är nid verstah
Das zersch der Bode laht lah gah
Bevor das är der Chopf ahschlaht
Leduc:
Gloube
Öbber mues immer drah gloube
Drahgloube
Öbber mues immer drahgloube
Wotts gar nid wüsse wie
Tommy Vercetti:
Füfliber uf mini Zunge
Leget mir e Füfliber uf mini Zunge
Füfliber uf mini Zunge
Leget mir e Füfliber uf mini Zunge
Leduc:
Si lahts lah schaffe
Ihres Bättle isch es Bätte
U är, är lahts lah schaffe
U si Bildschirm isch e Bible
Lug, mir löhs lah schaffe
Hüt isch d Schöpfig nüt meh wärt
U mir schöpfe nume no Wärt
U drum legi mir am Sunnti e
Tommy Vercetti:
Füfliber uf mini Zunge
Leget mir e Füfliber uf mini Zunge
Drum legi mir am Sunnti e
Füfliber uf mini Zunge
Leget mir e Füfliber uf mini Zunge
Drum legi mir am Sunnti e
Öbber mues immer drah gloube
Drum legi mir am Sunnti e
Öbber mues immer drah gloube
Wotts gar nid wüsse wie
