Lyrics Lo & Leduc – Vampir
Text:
Lo:
Dr Valo isch dr einzig Vampir i sim Dorf
Sit 337 Jahr fingt är Vampir-si doof
Wüu d’Nächt si läng
U bysse tuet är lieber kene damit si nid so wärde wien är
U rysst är mau es Schaf
De erschiesse si e Wolf
U är gsehts am nächste Tag wenns i de Nachrichte louft
U de sitzt är ufem Sofa
Zahnsydelet sech di letsche Wulleräschte vo sim Eggzahn
U schämt sech einsam
Lo & Leduc:
U nur a dene drü Täg im Februar chunnt är unter d’Lüt
Nimmt s’volle Rotwyyglas scho mit u tuet aus wäri nüt
är lächlet verläge u sitzt häre zu de Lüt
Wüu si chöi nid schlafe
U är cha nid stärbe
Lo:
Me gratuliert ihm zum Kostüm
U ladet ihn zum trinken ih
U är schüttet dr Schnaps i Topf vom Gummiboum hinger sich
U wes spät isch de gö si hei
Au di Häxe u di Vampire, di Polizischtinne i de viu viu z’churze Röck
U dr Valo blybt no chli ar Bar
Mit dene wo oh nonid wei hei ga
U fühlt sech einsam
Si chöi nid schlafe
är cha nid stärbe
Lo & Leduc:
Nimmt s’volle Rotwyyglas scho mit u tuet aus wäri nüt
är lächlet verläge u sitzt häre zu de Lüt
Wüu si chöi nid schlafe
U är cha nid stärbe
U nur a dene drü Täg im Februar chunnt är unter d’Lüt
Nimmt s’volle Rotwyyglas scho mit u tuet aus wäri nüt
är lächlet verläge u sitzt häre zu de Lüt
Wüu si chöi nid schlafe
U är cha nid stärbe
Lo:
Är cha nid stärbe
Är cha nid stärbe
Lo & Leduc:
U nur a dene drü Täg im Februar chunnt är unter d’Lüt
Nimmt s’volle Rotwyyglas scho mit u tuet aus wäri nüt
är lächlet verläge u sitzt häre zu de Lüt
Wüu si chöi nid schlafe
U är cha nid stärbe
