Lyrics Lo & Leduc – Versorget
Text:
Leduc:
Si isch zum letschte Mau züglet, ines höchs Huus, i oberscht Stock
Me het nüt müesse mitnäh, s’isch aus im Estrich i ihrem Chopf
Es steit scho lang dört und es sammlet sech dr Stoub
Früecher het si aube nüt kennt
Hüt kennt si niemer meh
D’Schwöschter macht die Vorhäng uf
Wenn ig se chume go gseh
Und ig sägen aube nüt meh
Wüus nüt meh z’säge git
Nume no z’singe u ganz wiit hinge geit e Chischte uf fürne Ougeblick
Si folgt kem Gspräch me, folgt nur no dere Melodie
Vom Lied vo däm Meitschi mit däm Härz wo bschlossen isch gsy
U däm Bueb, u däm Bueb, wo der Schlüssu het derzue
S’isch aues i Ornig, aus het si Ornig u de geit d’Chischte wider zue
(Aues versorget
U si guet versorget)
Lo:
Si isch zum letschte Mau züglet, ines höchs Huus, i oberscht Stock
Me het nüt müesse mitnäh, s’isch aus im Estrich i ihrem Chopf
Lug wie au di Chnöpf us de Naselümpe si verschwunde
S’git ke Stock me wiiterobe — hie unde
Früecher het me’re nüt chönne vorha
Hüt het si nüt meh vor
U d’Schwöschter macht dr Vorhang uf «gsehsch das Vögeli im Boum?»
U de sägi aube nüt meh
Wüus nüt meh z’säge git
Es git nume no z’singe u ganz wiit hinge geit e Chischte uf fürne Ougeblick
Leduc:
Vom Lied vo däm Meitschi mit däm Härz wo bschlossen isch gsy
U däm Bueb, u däm Bueb, wo der Schlüssu het derzue
S’isch aues i Ornig, aus het si Ornig u de geit d’Chischte wider zue
Aues versorget
U si guet versorget
Aues versorget
U si guet versorget
Di Chopf isch e Dunkuchammere
Säg ah was wosch du di chlammere?
Säg ah was chasch di erinnere?
Di Chischte si nummeriert
Ooh, Dunkuchammere
Säg ah was wosch du di chlammere?
Säg ah was chasch di erinnere?
Vilech blybt nur…
